Ağır atletlərimiz Avropa birinciliyində mübarizə aparacaq



İtaliyanın Milan şəhərində iyulun 22-29-də 15 və 17 yaşadək yeniyetmə oğlan və qızlar arasında ağır atletika üzrə Avropa birinciliyi keçiriləcək. Qırxa yaxın ölkədən 388 atletin (169 qız və 219 oğlan) iştirak edəcəyi turnir, həmçinin Argentinanın paytaxtı Buenos-Ayresdə baş tutacaq Yeniyetmələrin III Olimpiya Oyunlarına lisenziya xarakteri daşıyacaq.
Yarışda Azərbaycan yığma komandası da mübarizə aparacaq.
On beş yaşadək oğlanların yarışında Elvin Şükürzadə (50 kq), Elşən Məmmədov, Fuad Həsənov (hər ikisi 56 kq), Murad Əliyev, Kamil Nəbiyev (hər ikisi 62 kq), Yaşar Mamayev (77 kq), Əli Şükürlü (85 kq), Əli Quliyev (94 kq), 17 yaşadək oğlanların mübarizəsində Ömər Cavadov (50 kq), Sale Alxasov (56 kq), Rüstəm Qasımov, Elməddin Hüseynov (hər ikisi 62 kq), Füqan Əliyev (69 kq), Əlimərdan Alxasov, İsmayıl Baxışov (hər ikisi 77 kq) və Tarmenxan Babayev (85 kq) körpücük üzərinı çıxacaqlar.
On beş yaşadək qızların yarışında Günel Muxtarlı (44 kq), Selcan Qarayeva (48 kq), Fazilə İmanova (53 kq), Səma Mayılov, Anna Opanasyuk (hər ikisi 58 kq), Fidan Mirzəzadə (63 kq), Rəhilə Hüseynova (69 kq), U-17 yaş kateqoriyasında qızların mübarizəsində Lalə Rzazadə (58 kq) və Fidan Hüseynzadə (69 kq) ölkəmizi təmsil edəcəklər.



Bu yazı

7285 dəfə oxunub

Tarix

2018-07-17 12:43:50

Yazını

Çap et

Yazını

Paylaş

SON XƏBƏRLƏR
Medal sayı
Facebook