Voleybolçularımızın rəqibləri bu gün müəyyənləşəcək



Bu gün İstanbulda qadın voleybolçulardan ibarət komandalar arasında Avropa çempionatının püşkü atılacaq. Azərbaycan millisi püşkatma zamanı üçüncü səbətdə yer alacaq. Azərbaycan ilə yanaşı, Belarus, Ukrayna və Fransa yığmaları da bu səbətdə qərarlaşıblar.
Birinci səbətdə Serbiya, Hollandiya, İtaliya, Rusiya, ikinci səbətdə Almaniya, Belçika, Bolqarıstan, Xorvatiya, dördüncü səbətdə Rumıniya, Finlandiya, İspaniya, Sloveniya, beşinci səbətdə isə Portuqaliya, İsveçrə, Yunanıstan və Estoniya yığmaları yer alıblar.
Püşkün nəticəsinə görə, milli komandalar beş qrupda mübarizə aparacaqlar.
Avropa çempionatı avqustun 23-dən sentyabrın 8-dək Türkiyə, Polşa, Macarıstan və Slovakiyada təşkil olunacaq.
Qeyd edək ki, 2017-ci il Avropa çempionatına Azərbaycan və Gürcüstan birgə ev sahibliyi edib.



Bu yazı

18345 dəfə oxunub

Tarix

2019-01-23 15:06:33

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev