Vyanda Avropa Olimpiya Komitəsinin seminarı keçiriləcək



Mayın 17-19-da Avstryanın paytaxtı Vyanada Avropa Olimpiya Komitəsinin (AOK) İcraiyyə Komitəsininın iclası və AOK-un seminarı işinə başlayacaq.
Tədbirdə ölkəmizi AOK-un İcraiyyə Komitəsinin üzvü, Milli Olimpiya Komitəsinin (MOK) vitse-prezidenti Çingiz Hüseynzadə, MOK-un Marketinq İdarəsinin direktoru Mehman Kərimov təmsil edəcək.
Mayın 17-də adı çəkilən təşkilatın üzvü Çingiz Hüseynzadə İcraiyyə Komitəsinin iclasında iştirak edəcək. Həmçinin, iclasda AOK-un prezidenti Janez Koçijançiç, baş katib Rafael Paqnozzi, Milli Olimpiya Komitələrinin Assosiyasiyasının baş katibi Qunilla Lindberq iştirakı gözlənilir.
Mayın 18-19-da isə Avropa Olimpiya Komitəsinin 39-cu seminarı öz işinə başlayacaq. Seminar çərçivəsində Olimpiya İdman növləri, Sosial inteqrasiya, Qadın və idman, İdmanda texnologiya və s. mövzular üzrə çıxışlar ediləcək.
Həmçinin, 2020-ci il Tokio və 2024-cü il Paris Olimpiya Oyunlarının Təşkilat Komitələrinin hesabat çıxışları gündəlikdə olan məsələlər sırasındadır. Minsk-2019 ikinci Avropa Oyunları, Bakı-2019 Avropa Gənclər Olimpiya Festivalının məruzələri də dinləniləcək. AOK-un seminarı çərçivəsində qış idman növləri üzrə "Pyotr Nurovski – Avropanın Ən yaxşı gənc idmançı” mükafatı təqdim olunacaq.



Bu yazı

7439 dəfə oxunub

Tarix

2019-05-15 16:52:13

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev