Minskdə Azərbaycan Günü adlı tədbir keçirilib



Iyunun 20-də Minskdə Azərbaycan Günu adlı tədbir keçirilib. Tədbirdə Azərbaycan Milli Olimpiya Komitəsinin vitse-prezidenti Çingiz Hüseynzadə, MOK-un baş katibi Ağacan Abiyev, federasiya rəsmiləri iştirak ediblər. İkinci Avropa Oyunlarında ölkəmizi təmsil edən numayəndə heyətinin üzvlərinin də iştirak etdiyi mərasimdə Milli Olimpiya Komitəsinin vitse-prezidenti Çingiz Hüseynzadə səhnədə tədbir iştirakçılarını salamlayaraq, dedi: "Bu günlərdə biz böyuk bir idman tədbirində iştirak etmək uçun Minskdə toplaşmışıq. Əziz minsklilər, ölkənizdə möhtəşəm idman baramı keçirilir. Avropanın ən güclü idmançıları burada qalib adı ugrunda yarışacaqlar. Bilirsiniz ki, tarixdə ilk dəfə olaraq Avropa Oyunları Bakıda təşkil edilmişdi. Bizim ölkəmiz bu Oyunları yüksək səviyyədə hazırlaşmışdı. Hesab edirik ki, 4 il əvvəl Avropa Oyunları öz möhtəşəmliyi ilə bütün dünyaya səs salmışdı. Bakıdan sonra estafet Minskə verildi. Biz inanırıq ki, Minsk də Bakı kimi bu sınaqdan uğurla çıxacaq”. Çıxış başa catdiqdan sonra bədii hissə olub. Qonaqlar Azərbaycan rəqsləri tamaşa etmiş və Əməkdar artist, hər iki Avropa Oyunlarının səfiri Tunzalə Ağayevanın mahnılarını dinləyiblər.
Məlumat üçün bildirək ki, II Avropa Oyunlarının açılış mərasimindən bir gün avvəl təşkil olunan tədbir yerli sakinlərin böyuk marağına səbəb olub. Belə ki, xüsusi yaradılmış pavilyonda yerli sakinlərə və qonaqlara Azərbaycan haqqında məlumatlar verilib. Bununla yanaşı onlara zəngin Azərbaycan mətbəxi ilə tanış olmaq imkanı verilib, şirniyyatlar təqdim olunub.








Bu yazı

14099 dəfə oxunub

Tarix

2019-06-21 10:17:46

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev