Komandamız İsveçrədə birinci oldu



"Zirvə-Astara” komandası Beynəlxalq Basketbol Federasiyasının (FIBA) təşkilatçılığı ilə basketbol 3x3 üzrə dünya turunda uğurla çıxış edib.
Basketbolçularımız Xorvatiya, Polşa, Latviya, Belarus və İsveçrə mərhələlərində qüvvələrini sınayaraq uğur qazanmağa çalışacaqlar. "Zirvə-Astara”nın heyətində Amil Həmzəyev, Anar Hacıyev, Şarif Uilyams və Marşal Obrian Mozes kimi tanınmış basketbolçular yer alıblar.
Artıq "Zirvə-Astara” ilk böyük qələbəsini qazanıb. İsveçrənin Sürix şəhərində keçirilən "Atupri 3×3 Swiss Tour Final Zurich” yarışına qatılan komandamız möhtəşəm oyun nümayiş etdirib. Onlar 6 görüşün hamısında qalib gələrək çempion adına layiq görülüblər.
"Zirvə-Astara” komandası "Giannis”i 13:12, "Fulda Basket”i 18:16 hesabı ilə məğlub edərək F qrupunda birinci olub. Pley-off mərhələsində əvvəlcə "Endgame”ni 20:12, sonra "Noname”ni 15:6, ardınca "Yakitori”ni 18:13 hesabı ilə məğlubiyyətə uğradan basketbolçularımız finalda "Fulda Basket”i yenidən 18:15 məğlubiyyətə uğradaraq bu turnirdə fəxri kürsünün ən yüksək pilləsinə qalxıb.
Bununla yanaşı, oyunçumuz Anar Hacıyev üçlük yarışmasında qalib olub.


Bu yazı

2696 dəfə oxunub

Tarix

2019-08-06 15:42:10

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev