Qrossmeysterimiz hazırki dünya çempionu ilə üz-üzə


"Grand Chess Tour 2019” şahmat seriyasının beşinci mərhələsi çərçivəsində ABŞ-ın Sent-Luis şəhərində keçirilən Sinkfild kuboku turnirində üçüncü turun oyunları keçirilib.
İlk turlarda görüşləri heç-heçə başa vuran şahmatçımız Şəhriyar Məmmədyarov üçüncü turda rusiyalı Yan Nepomnyaşi ilə də sülh bağlayıb. Turun digər qarşılaşmalarında da bərabərlik qeydə alınıb.
Bu gün dördüncü turun oyunları keçiriləcək. Şahmatçımızın növbəti rəqibi hazırkı dünya çempionu norveçli Maqnus Karlsen olacaq. Turun digər oyunlarında amerikalı şahmatçılar Hikaru Nakamura çinli Dinq Liren, Fabiano Karuana ermənistanlı Levon Aronyan, Uesli So hindistanlı Vişvanatan Anand, hollandiyalı Aniş Qiri fransalı Maksim Vaşe-Laqrav, rusiyalı Sergey Karyakin isə Yan Nepomnyaşi ilə qarşılaşacaqlar.


Bu yazı

8118 dəfə oxunub

Tarix

2019-08-20 18:43:53

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev