“Fənərbağça” və “Trabzonspor” heç-heçə ediblər



Sentyabr 1-də futbol üzrə Türkiyə Superliqasının üçüncü turunun mərkəzi qarşılaşmasında "Fənərbağça" doğma meydanda "Trabzonspor"u qəbul edib.
Görüş qarşılıqlı hücumlarla yadda qalıb. Matçda hesabı 17-ci dəqiqədə İstanbul təmsilçinin yarımmüdafiəçisi Qari Rodrigez açıb. Lakin qonaqlar cəmi 15 dəqiqə sonra hesaba tarazlıq gətiriblər. Donis Avdiyayın ötürməsini Caleb Ekuban dəqiq tamamlayıb -1:1. Birinci hissə bu hesabla başa çatıb. İkinci hissədə tərəflərin səylərinə baxmayaraq hesab dəyişməyib. Beləliklə, "Fənərbağça" və "Trabzonspor" klubları arasında keçirilən qarşılaşma heç-heçə yekunlaşıb.
Turun digər oyununda "Malatyaspor" doğma meydanda "Alanyaspor"u qəbul edib. Gərgin keçən qarşılaşmada qonaqlar 3:2 hesabı ilə qalib gəliblər. "Başakşəhər" səfərdə "Gənclərbirliyi"ni 2:1 hesabı ilə məğlub edib. "Sivasspor" - "Qaziantep" görüşündə isə qalib müəyyənləşməyib - 1:1.
Üç turdan sonra "Fənərbağça" 7 xalla 2-ci pillədə qərarlaşıb. "Trabzonspor" isə 5 xalla 6-cıdır.


Bu yazı

2394 dəfə oxunub

Tarix

2019-09-02 10:44:44

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev