Azərbaycanlı hakim Olimpiya Oyunlarına təyinat aldı


Ağırlıqqaldırma üzrə beynəlxalq dərəcəli hakim Vahid Nəzərov növbəti təyinatını alıb. 60 yaşlı mütəxəssis Tokio-2020 Yay Olimpiya Oyunlarda iştirak edəcək. V. Nəzərov 2020-ci ilin iyulun 24-dən avqustun 9-dək keçiriləcək XXXII Yay Olimpiya Oyunlarında hakimlər briqadasında yer alacaq. O, Beynəlxalq Ağırlıqqaldırma Federasiyasının 4 illiyin ən möhtəşəm yarışında ədaləti qoruyacaq 20 hakimdən biri olacaq. Bununla da Vahid Nəzərov Olimpiadada ikinci sınağına çıxacaq. 
Xatırladaq ki, təcrübəli mütəxəssis bundan əvvəl London-2012 Yay Olimpiya Oyunlarında da ədaləti qoruyub. Təmsilçimiz həmçinin Sinqapur-2010 Yeniyetmələrin Yay Olimpiya Oyunlarında da eyni funksiyanı yerinə yetirib. 
Qeyd edək ki, həmyerlimiz hazırda Tailandın Pattaya şəhərində keçirilən dünya çempionatında münsiflər heyətinin üzvü və hakim-komissar kimi çalışır. Təcrübəli mütəxəssis yarış zamanı hakimlərin işinə qiymət verir. O, dünya çempionatında bu vəzifəni icra edən ilk azərbaycanlıdır.


Bu yazı

3161 dəfə oxunub

Tarix

2019-09-21 16:11:20

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev