Açıq Avropa kubokundan bürünc medal


Oktyabrın 12-13-də Estoniyanın paytaxtı Tallinndə cüdo üzrə Avropa açıq kuboku yarışı keçirilib. Beynəlxalq turnirdə Azərbaycanı təmsil edən Aleksandra-Larisa Florian mükafatçılar sırasında yer alıb. Qadınlar arasında 57 kiloqram çəki dərəcəsində mübarizə aparan millimizin rumın legioneri yalnız bir görüşdə, turnirin fransalı çempionu Prişila Gnetoya uduzaraq 3-cü yeri tutub. Florian bürünc medal uğrunda qarşılaşmada Almaniya təmsilçisi Nora Bannenberqə qalib gəlib.
Qeyd edək ki, Tokio Olimpiadasına lisenziya xalları verən Tallinn turnirində 35 ölkədən 292 cüdoçu yarışıb.



Bu yazı

3099 dəfə oxunub

Tarix

2019-10-13 22:49:49

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev