Rusiyalı idmançı diskvalifikasiya olunub


"Vegas Golden Knights” klubunun rusiyalı hücumçusu Valentin Zıkov Beynəlxalq Hokkey Liqasının 20 oyunundan uzaqlaşdırılıb. Buna səbəb, idmançının antidopinq qaydalarını pozması olub. 24 yaşlı Zıkov, carı sezonda Beynəlxalq Hokkey Liqası çempionatında 7 oyun keçirib. "Vegas Golden Knights” klubunun məsul şəxsləri idmançının bu addımına görə, məsuliyyət daşımadığını bildiriblər. Onların sözlərinə görə, Valentin Zıkov komanda rəhbərinə məlumat vermədən, öz qərarı ilə qadağan olunmuş preparatdan istifadə edib. İdmançı Beynəlxalq Hokkey Liqasında 2016-cı ildən çıxış edir. Hazırda şərəfini qoruduğu "Vegas Golden Knights” komandasından əvvəl, Zıkov "Carolina Hurricanes” və "Edmonton Oilers” klublarında fəaliyyət göstərib.
2014-cü ildə keçirilən dünya çempionatında, idmançı Rusiyanın yeniyetmələrdən ibarət yığma komandasının tərkibində bürünc medal qazanıb. Qeyd edək ki, sentyabrın 14-də Beynəlxalq Hokkey Liqası kokain qəbuluna görə, "Washington Capitals” klubunun
hücumçusu Evgeniy Kuznesovu üç oyundan uzaqlaşdırıb. İdmançı isə bununla bağlı apellasiya məhkəməsinə müraciət etməyəcəyini bildirib.


Bu yazı

3044 dəfə oxunub

Tarix

2019-10-18 15:23:33

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev