Komandamız 37 ölkə arasında 17-ci olub



Ölkəmizin kayak və kanoe üzrə milli komandası İtaliyanın Milan şəhərində keçirilən Dünya kubokunun I mərhələsində mübarizə aparıb. Yarışda ölkəmizi 6 kanoeçimiz və 2 kayakçımız təmsil edib. Kanoeçilərimizdən 4-ü müxtəlif məsafələrə yürüşlərdə finaladək irəliləməyi bacarıb. 1 nəfərlik qayıqla 1000 metr məsafəyə həlledici yürüşdə Mikola Matviyçuk 3 dəqiqə 59,040 saniyə nəticə ilə 5-ci yeri tutub.
2 nəfərlik qayıqla (C-2) mübarizə aparan Sergey Bezuqlı - Aleksey Kupin dueti həm 1000 metr, həm də 500 metr məsafəyə həlledici yürüşlərdə çıxış edib. Cütlük 500 metr məsafəyə 1 dəqiqə 41,048 saniyəyə 5-ci çatıb. 1000 metr məsafəni isə 3 dəqiqə 39,525 saniyəyə qət edən cütlük 6-cı olub.
Finala daha bir vəsiqəni 1 nəfərlik kanoe qayığı (C-1) ilə 500 metr məsafəyə yürüşdə Anatoli Melnik əldə edib. O, həlledici yürüşdə 1 dəqiqə 54,636 saniyə nəticə ilə 8-ci olub. Melnik 200 metr məsafəyə yürüşdə isə 43,438 saniyə nəticə ilə 18-ci yeri tutub.
Digər təmsilçilərimizdən Mikita Sablin həm 500 metr, həm də 200 metr məsafəyə yürüşdə çıxışlarını yarımfinalda başa vurublar. Mikola Matviyçuk və Taras Matviyçuk 5000 metr məsafəyə yürüşdə finişə çata bilməyiblər. Matviyçuk 1000 metr məsafəyə yürüşdə isə mübarizəni yarımfinalda dayandırıb.
Kayakçılarımızdan Aleksandr Piçugin 1 nəfərlik qayıqla (K-1) 500 metr, Tamerlan Mustafayev - Aleksandr Piçugin dueti 2 nəfərlik qayıqla (K-2) həm 500 metr, həm də 200 metr məsafəyə yürüşdə əsas finala yüksələ bilməyib. Mustafayev - Piçugin cütlüyü 500 metr məsafəyə yürüşü 15-ci pillədə başa vurub.
Təmsilçilərimizdən heç biri mükafatçılar sırasına düşə bilməsə də, Matviyçuk 5 xal, Bezuqlıy - Kupin dueti 4 xal qazana bilib. Nəticədə Azərbaycan 9 xalla ümumi komanda hesabında 37 ölkə arasında 17-ci yeri tutub.


Bu yazı

8247 dəfə oxunub

Tarix

2014-05-06 13:19:16

Yazını

Çap et

Yazını

Paylaş

SON XƏBƏRLƏR
Medal sayı
Facebook
"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev