İki boksçumuz turnirə qələbə ilə başladı


Fevralın 4-də Macarıstanın Debrersen şəhərində İştvan Başkainin xatirəsinə həsr olan ənənvi boks turnirinə start verilib. Yarışda Azərbaycan milli komandasının üzvləri də mübarizə aparır. Turnirin ilk günündə 3 boksçumuz rinqə çıxıb və hər üç həmyerlimiz macarıstanlı idmançılarla qarşılaşıblar. 60 kq çəki dərəcəsində çıxış edən ölkə çempionu Elvin İsayev Krizstian Sinko ilə döyüşdən qalib ayrılıb - 3:0.
Çəkisi 81 kq olan idmançıların mübarizəsində ölkəmizi təmsil edən Rauf Rəhimov da yarışa qələbə ilə başlayıb. Gənclər arasında Avropa çempionu ilk görüşdə İmre Buqyiki məğlub edib - 2:1.
Elvin və Raufdan fərqli olaraq Fərid Ağamoğlanov (56 kq) yarışla erkən vidalaşıb. Boksçumuz yerli idmançı Viktor Qaloşa uduzub - 0:3.
Məlumat üçün qeyd edək ki, adı çəkilən boksçulardan başqa, yarışda Salman Əlizadə (49 kq),
Məsud Yusifzadə (52 kq), Elnur Əliyev (64 kq) və Xaybulla Musalov (75 kq) da mübarizə aparır.


Bu yazı

7920 dəfə oxunub

Tarix

2015-02-06 13:06:19

Yazını

Çap et

Yazını

Paylaş

"OLIMPNEWS.AZ"
Məhdud Məsuliyyətli Cəmiyyət
Baş redaktor:
Aslan Şirəliyev