Federasiya prezidenti gənc basketbolçuları təltif etdi


Bu gün Milli Olimpiya Komitəsinin inzibati binasında Azərbaycan Basketbol Federasiyasının rəhbərliyi yeniyetmə oğlanlardan ibarət U-18 və U-16 milli yığmalarının üzvləri ilə görüş keçirdi.

Olimpnews.az saytının məlumatına görə, Azərbaycan Basketbol Federasiyasının prezidenti Nadir Nəsibov gənc basketbolçularımızı salamlayaraq milli komandalarımızı Avropa çempionatlarında (C Divizionu) qazanılan yüksək nəticə ilə ürəkdən təbrik etdi. Federasiya rəhbəri xüsusən aşağıdakıları qeyd etdi: "U-18 San Marinoda böyük uğur qazandı. Endər Poladxanlı isə yarışın ən dəyərli oyunçusu (MVP) və Avropa birinciliyinin simvolik beşliyinə seçildi. Eyni zamanda, ilk dəfə Avropa Çempionatına qatılan U-16-nın gümüş medalını də qızıl kimi dəyərləndirirəm. Gənc basketbolçumuz Papuna Kirtadze yarışın ən dəyərli oyunçusu (MVP), komandanın iki oyunçusu Papuna Kirtadze və Saadettin Donat Avropa birinciliyinin simvolik beşliyinə seçiliblər. Bu onu göstərir ki, millimizin böyük potensalı var. Biz Federasiya olaraq 5, 7, 10 illik proqram üzrə işləyirik. İnanıram ki, bu komandaların oyunçuları 5 ildən sonra əsas yığma olaraq ölkəmizin şərəfini ləyaqətlə qoruyacaq".

Sonra Avropa çempionatının qalibləri və gümüş mükafatçıları Federasiya rəhbərliyi tərəfindən fəxri fərman və qiymətli hədiyyələr ilə təltif edildi.


Bu yazı

12671 dəfə oxunub

Tarix

2016-07-27 17:28:23

Yazını

Çap et

Yazını

Paylaş

SON XƏBƏRLƏR
Medal sayı
Facebook