İmişlidə şahmat yarışları keçirilib


İmişli Uşaq-Gənclər Şahmat İdman Məktəbində şahmat fənni tədris olunan pilot məktəblər arasında komanda yarışları keçirilib.

Olimpnews.az saytının məlumatına görə, ümummilli lider Heydər Əliyevin 94 illik yubileyinə həsr olunmuş yarışlarda 2 saylı tam orta məktəbin komandası birinci yeri tutub - 26,5 xal. Məktəbin komandasının üzvləri Rəftar Səlimov, Rasim Ağazadə, Nicat Vəlizadə, Şəlalə Səlimzadə, Nərgiz Atakişizadə və Nurlana Atakişizadə xüsusilə fərqləniblər. 7 saylı tam orta məktəbin komandası yarışları ikinci yerdə başa vurub -19 xal. Keçirilən görüşlərdən 15 xal toplayan humanitar təmayüllü fənnlər üzrə məktəb-liseyin komandası üçüncü yerlə kifayətlənib.

Tədbirin yekununda məktəbin direktoru Ağalar Cavadov yarış iştirakçıları qarşısında çıxış edib və qalibləri diplomlarla mükafatlandırıb.

*     *     *

Ulu öndərin 94 illik yubiley tədbirləri ilə əlaqədar növbəti yarış İmişli Şahmat məktəbinin şagirdləri arasında keçirilib. I yeri 6 xalla Elmin Hüseynli tutub. Liderdən bir xal az toplayan Fariz Abdullayev ikinci olub , III yerdə isə Alim Quluzadə qərarlaşıb - 4.5 xal.

YAP İmişli rayon təşkilatının aparat rəhbəri İlham Əsgərov və idarə heyətinin üzvü Dünyamalı Əliyev tədbirin bağlanış mərasimində ulu öndərin ölkə idmanına göstərdiyi qayğıdan danışıblar. Yarışın qalibləri diplomlarla təltif ediliblər.


Bu yazı

19753 dəfə oxunub

Tarix

2017-04-18 17:45:07

Yazını

Çap et

Yazını

Paylaş