Braziliya MOK-nun fəaliyyəti dayandırılıb


Beynəlxalq Olimpiya Komitəsi (BOK) Braziliya Milli Olimpiya Komitəsinin (MOK) fəaliyyətini müvəqqəti olaraq dayandırıb. Olimpnews.az saytının məlumatına görə, bu barədə BOK-un rəsmi saytında xəbər verilir.

Bu məsələ ilə bağlı qərar Braziliya MOK-nun sədri və Rio-2016 Yay Olimpiya Oyunları Təşkilat Komitəsinin rəhbəri Karlos Artur Nuzmanın həbsindən sonra verilib. Həmin şəxsin adı korrupsiya qalmaqalında hallanır.

Braziliya hökumətinin federal prokurorluğu 2016-cı ildə keçirilən yay Olimpiya Oyunlarına ev sahibliyi məsələsində məmurlara verilən rüşvətin 2 milyon dollar məbləğində olduğunu açıqlayıb.

Bu ilin sentyabr ayında Rio-de-Janeyro polisi MOK-un sədri və Rio-2016 Yay Olimpiya Oyunları Təşkilat Komitəsinin rəhbəri Karlos Artur Nuzmanın evində axtarış aparıb. Axtarış zamanı onun evindən dəyəri 678 min dollar olan qızıl külçələr tapılıb. İstintaq orqanları həmin şəxsi Rio-de-Janeyro şəhərinin ev sahibi seçilməsi ilə bağlı rüşvət verməkdə günahlandırır. Karlos Artur Nuzmanla birlikdə Braziliya MOK-nun keçmiş direktoru Leonardo Qriner də həbs olunub. Həmin şəxslərin həbsindən və dindirilmələrdən sonra istintaq orqanları onların səlahiyyətli şəxslərə 500 min dollar rüşvət verməsini təsdiqləyib.


Bu yazı

3927 dəfə oxunub

Tarix

2017-10-18 10:27:58

Yazını

Çap et

Yazını

Paylaş

SON XƏBƏRLƏR
Medal sayı
Facebook