Danimarka F-1 Qran-prisi 2020-ci ildə keçirilə bilər

Yanvarın 10-da Formula-1 yarışlarının icraçı direktoru Çeyz Keri Qran-prinin Danimarkada keçirilməsi imkanlarını müzakirə etmək üçün Kopenhagen meri Frenk Censenlə görüşəcək.

Olimpnews.az saytının məlumatına görə, görüşə sənaye naziri Brayan Mikkelson, texnologiyalar və inkişaf üzrə mütəxəssis Helqe Sander və Saxo Bankın keçmiş sahibi Lars Seyer Kristensen dəvət olunub. Söhbət keçmiş Formula-1 pilotu Yan Maqnussenin təşəbbüs qrupuna daxil olduğu və çəkilməsində iştirak etdiyi Kopenhagenin tarixi mərkəzindəki 4,5 kilometrlik yol xəttindən gedir. Yerli mətbuat görüləcək işlərin büdcəsini 40-65 milyon avro məbləğində dəyərləndirir. Bununla bağlı qərar fevralın 1-dək qəbul ediləcək. Müsbət nəticə əldə olunduğu halda Danimarka Qran-prisi 2020-ci ilin təqviminə daxil edilə bilər.


Bu yazı

11017 dəfə oxunub

Tarix

2018-01-09 12:43:27

Yazını

Çap et

Yazını

Paylaş