Liqa yarışlarında qaliblər müəyyənləşdi


Stolüstü tennis üzrə liqa yarışları başa çatıb. Komanda xarakteri daşıyan yarışlar yüksək və standart liqa olmaqla keçirilib. Mərhələlər ilə keçirilən turlar yüksək liqada 6 oğlan və qız, standart liqada isə 12 oğlan və 7 qız komandası arasında təşkil olunub.
Qızların birinci liqa yarışlarında "İdeal” birinci, "Feniks” ikinci, "Pilot” isə üçüncü pillədə qərarlaşıb. Oğlanların mübarizəsində də "İdeal” komandası qızıl medal qazanıb. "Qələbə-1” yarışı ikinci, "Feniks” isə üçüncü pillədə başa vurub.
Qızlar arasında ikinci liqa yarışlarında "Feniks-2” komandası fəxri kürsünün ən yüksək pilləsinə qalxıb. "Buta” ikinci, "Atəşgah” isə üçüncü olub. Oğlanlar arasında "Çıraqqala” bütün rəqiblərinə qalib gəlib. "İdeal-2” gümüş, "Atilla” isə bürünc medal qazanıb.
Bağlanış mərasimində Azərbaycan Stolüstü Tennis Federasiyasının vitse-prezident Səbuhi Mehdizadə ölkəmizdə digər idman növləri ilə yanaşı, stolüstü tennisin də inkişaf etdiyini, bu idman növünə uşaq və yeniyetmələrin getdikcə artan marağını diqqətə çatdırıb. O, pilot layihə olan liqa yarışlarında Bakı, Sumqayıt, Şabrandan olan idmançıların iştirak etdiyini və gələcəkdə respublikanın bütün regionlarını əhatə edəcəyini bildirib.
Sonda qaliblərə medal və pul mükafatları təqdim edilib.


Bu yazı

13942 dəfə oxunub

Tarix

2018-05-25 14:43:06

Yazını

Çap et

Yazını

Paylaş