Veloparkda federasiya kuboku yarışı keçirilib
Azərbaycan Velosiped İdmanı Federasiyasının (AVİF) təqvim-planına əsasən, Veloparkda kriterium ötüşmələri üzrə federasiya kuboku yarışı keçirilib.
Veloparkda Federasiya kuboku yarışı keçirilib
Azərbaycan Velosiped İdmanı Federasiyasının (AVİF) təşkilatçılığı ilə Veloparkda kriterium növü üzrə Federasiya kuboku yarışı keçirilib. 2 gün davam edən yarışda AVİF-in nəzdində fəaliyyət göstərən klub və cəmiyyətlərin 70-dən artıq idmançısı mübarizə aparıb. Bundan başqa, yarışda həvəskar velosipedçilərdən ibarət “CycleMania” qrupunun üzvləri də iştirak ediblər.
“Synergy Baku” Çexiyada yarışır
Azərbaycanın kontinental velosiped komandası “Synergy Baku Cycling Project” Çexiya velosiped turunda mübarizə aparır. Beynəlxalq Velosipedçilər İttifaqının 2.1 kateqoriyalı yarışında 5 velosipedçimiz çıxış edir.
Veloparkda yarış keçirilib
SOCAR-ın 2010-cu ildən həyata keçirdiyi və gənclər arasında xüsusi maraq doğuran “SOCAR Yay Məktəbi-2015” layihəsi çərçivəsində təbirlər davam edir.
Velosipedçimiz Ukraynada çempion oldu
Ukraynanın Lvov şəhərində velosiped idmanının trek növü üzrə “Galichyna” Qran-prisinə yekun vurulub. Beynəlxalq Velosipedçilər İttifaqının 2-ci kateqoriyalı yarışında Azərbaycan yığma komandası 1 qızıl və 3 gümüş medal qazanıb.
Velosipedçimiz Avropa çempionatında uğurlu nəticə göstərib
Samir Cəbrayılov 161 km məsafəni Avropa çempionu titulunu qazanan slovakiyalı Erik Baska ilə eyni vaxtda başa vurub - 3 saat, 36 dəqiqə, 49 saniyə
İsmayıllı məktəbliləri rəqiblərini üstələdilər
İsmayıllıda məktəblilər arasında velosiped üzrə “Məktəbli kuboku” yarışı keçirilib. Azərbaycan Velosiped İdmanı Federasiyası və İsmayıllı rayon Gənclər və İdman İdarəsinin birgə təşkilatçılığı ilə keçirilən yarışda hər birinin tərkibində 4 velosipedçi olmaqla 40 komanda mübarizə aparıb.
“Tour de Qinghai Lake” başa çatıb
Azərbaycanın kontinental velosiped komandası “Synergy Baku Cycling Project” Çində keçirilən sayca 14-cü “Tour de Qinghai Lake” yürüşündə iştirakını başa vurub.
“Media Kuboku”nun qalibləri müəyyənləşib
22 iyul - Milli Mətbuat Günü münasibətilə Azərbaycan Velosiped İdmanı Federasiyası mətbuat nümayəndələri arasında “Media Kuboku” yarışı keçirib. “Coca-Cola” şirkəti və “2 Təkər” velosiped mağazasının dəstəyi ilə təşkil olunan yarışda ölkəmizin müxtəlif Kütləvi İnformasiya Vasitələrinin 30 əməkdaşı iştirak edib.
Velosipedçimiz Çində 3-cü oldu
Azərbaycanın kontinental velosiped komandası “Synergy Baku Cycling Project” Çində keçirilən sayca 14-cü “Tour de Qinghai Lake” yürüşündə iştirakını davam etdirir. Beynəlxalq Velosipedçilər İttifaqının 13 mərhələdən ibarət 2-ci kateqoriyalı yarışında 22 komanda iştirak edir.
Avropa Oyunlarının ilk medalını İsveçrə velosipedçisi qazandı
İyunun 13-də Avropa Oyunları çərçivəsində dağ velosipedi üzrə yarışlara start verilib. Yarışda qadınlar arasında 19 ölkədən 27 iştirakçı, kişilər arasında 31 ölkədən 45 iştirakçı mübarizə aparır.
Velosipedçimiz Rusiyada 2 gümüş medal qazandı
Rusiyanın Tula şəhərində velosiped idmanının trek növü üzrə “Grand Prix of Tula” yarışı keçirilib. Beynəlxalq Velosipedçilər İttifaqının 2-ci kateqoriyalı yarışında bir idmançımız - Sergey Omelçenko mübarizə aparıb.
Minskdən qızıl medal
Belarusun paytaxtı Minskdə velosiped idmanının trek növü üzrə 1-ci kateqoriyalı “Grand Prix Minsk” turniri start götürüb. İlk yarış günü Azərbaycan yığma komandası üçün uğurlu alınıb.
“Synergy Baku” “Tour d’Azerbaidjan-2015”in qalibidir
Beynəlxalq Velosipedçilər İttifaqının (UCİ) 2.1 kateqoriyalı “Tour d’Azerbaidjan-2015” veloyürüşü Azərbaycanın “Synergy Baku Cycling Project” komandası üçün möhtəşəm nailiyyətlə başa çatdı. Belə ki, təmsilçimiz sonuncu mərhələdəki uğurlu çıxışı ilə 25 kollektiv arasında komanda hesabında 1-ci yerə çıxdı.
"Tour-d’Azerbaidjan-2015" davam edir
İlk mərhələdən sonra "Synergy Baku" komanda hesabında ikinci yerdədir
Sahib Ələkbərov: "Məqsədimiz Azərbaycanı dünyada tanıtmaqdır"
"Beynəlxalq Velosipedçilər İttifaqının (UCİ) 2.1 kateqoriyalı "Tour d’Azerbaïdjan-2015" veloturuna hazırlıq işləri tam başa çatıb. Mayın 6-10-da keçiriləcək 5 günlük yarışda iştirakçılar ümumilikdə 867 km məsafə qət edəcəklər". Bu sözləri yarışla bağlı təşkil edilmiş mətbuat konfransında "Tour d’Azerbaïdjan-2015"-in Təşkilat Komitəsinin sədri, Azərbaycan Velosiped İdmanı Federasiyasının vitse-prezidenti Sahib Ələkbərov deyib.
Ulu öndərin xatirəsinə velosiped yürüşü keçirilib
Azərbaycan Velosiped İdmanı Federasiyası, Ədliyyə Nazirliyi və “İrəli” İctimai Birliyinin birgə təşkilatçılığı ilə bu gün ümummilli lider Heydər Əliyevin 92-ci ildönümünə həsr olunmuş həvəskarlar arasında velosiped yürüşü təşkil olunub. Yürüşdə 100-dən artıq peşəkar və həvəskar velosipedçi iştirak edib.
Velosipedçimiz finiş xəttini 2-ci keçdi
Fransada təşkil olunan 7 mərhələli “Le Tour de Bretagne” yarışına yekun vurulub. 146 km-lik sonuncu mərhələ də “Synergy Baku” üçün uğurlu nəticə ilə yadda qalıb. Belə ki, komandamızın üzvü Matey Mügerli məsafəni 3 saat 22 dəqiqə 22 saniyəyə başa vurub və bununla da finiş xəttini 2-ci keçib.
Ulu öndərin xatirəsinə velosiped yürüşü
Mayın 3-də Bakıda Azərbaycan Velosiped İdmanı Federasiyası, Ədliyyə Nazirliyi və “İrəli” İctimai Birliyinin birgə təşkilatçılığı ilə ümummilli lider Heydər Əliyevin 92-ci ildönümünə həsr olunmuş həvəskarlar arasında velosiped yürüşü təşkil olunacaq.
Azərbaycan velosipedçisi Sloveniyada “Sencurja” Qran-pri yarışlarının qalibi olub
Bakı-2015 ilk Avropa Oyunlarında iştirakı planlaşdırılan Azərbaycanın qadın velosipedçilərdən ibarət yığma komandasının üzvü Yelena Pavluxina məsul yarışa hazırlıqlarını davam etdirir.
Hərbçilərin ən güclüsü müəyyənləşdi
Azərbaycan Respublikasının prezidenti İlham Əliyevin general Əlağa Şıxlinskinin 150 illik yubileyinin keçirilməsi haqqında 20 noyabr, 2014-cü il tarixli sərəncamının icrası ilə əlaqədar, Azərbaycan Velosiped İdmanı Federasiyası, “İrəli” və “Təxris olunmuş hərbçilərin gəncləri maarifləndirmə” İctimai Birliklərinin təşkilatçılığı ilə “Silahlı Qüvvələr Kuboku” velosiped yarışı təşkil olunub. “Velopark”da keçirilən yarışda Silahlı Qüvvələrin müxtəlif qurumlarının 16 komandası iştirak edib.
Tour d’Azerbaidjan-2015: 5 gün ərzində 870 km
Beynəlxalq Velosipedçilər İttifaqının (UCİ) 2.1 kateqoriyalı “Tour d’Azerbaidjan-2015” veloyürüşünün startına 21 gün qalır. Mayın 6-10-da keçiriləcək 5 günlük yarışda iştirakçılar ümumilikdə 870 km məsafə qət edəcəklər.
“Vuelta”nın qalibi “Tour d’Azerbaidjan”da
Mayın 6-10-da keçiriləcək “Tour d’Azerbaidjan-2015” veloyürüşünin iştirakçıları arasında kifayət qədər tanınmış velosipedçilər olacaq.
Dağ velosipedçilərimiz Sloveniyada təlim-məşq toplanışındadırlar
Bakı-2015 ilk Avropa Oyunlarında iştirak edəcək dağ velosipedi (MTB) üzrə Azərbaycan yığma komandası məsul yarışa hazırlığı Sloveniyada davam etdirir. Təlim-məşq prosesi çərçivəsində idmançılarımız beynəlxalq turnirlərdə də iştirak edirlər.
“Tour d’Azerbaïdjan-2015”-in videoçarxı hazırlanıb
Beynəlxalq Velosipedçilər İttifaqının (UCİ) 2.1 kateqoriyalı “Tour d’Azerbaïdjan-2015” veloyürüşünün təqdimat videoçarxı hazırlanıb
Federasiya kubokunun qalibləri müəyyənləşdi
Xocahəsən Dağ Velosipedi Parkında idmanın bu növü üzrə açıq Federasiya Kuboku yarışı keçirilib. Bakı-2015 ilk Avropa Oyunlarının MTB üzrə yarışlarını qəbul edəcək məkanda təşkil olunan mövsümün açılış turnirində peşəkar idmançılarla yanaşı, həvəskarlar da iştirak edib.
Lanqkavi turunda 6-cı mərhələ
Azərbaycanın kontinental velosiped komandası “Synergy Baku” Malayziyada keçirilən Beynəlxalq Velosipedçilər İttifaqının (UCİ) 2-ci kateqoriyalı çoxgünlük “Le Tour de Langkawi” yürüşündə mübarizəni davam etdirir. 22 komandanın iştirak etdiyi 8 günlük yürüşdə 6-cı mərhələ başa çatıb.
Bakı-2015 Avropa Oyunları bizim tarixi nailiyyətimizdir” devizi altında keçirilən yarışın qalibləri müəyyənləşib
Azərbaycan Velosiped İdmanı Federasiyası (AVİF) və Xəzər Rayon Gənclər və İdman İdarəsinin birgə təşkilatçılığı ilə martın 12-də Bakı-2015 Avropa Oyunları bizim tarixi nailiyyətimizdir” devizi altında “Məktəbli kuboku” yarışı keçirilib.
“Synergy Baku”nun Xorvatiya zəfəri
Azərbaycanın kontinental velosiped komandası “Synergy Baku” 2015-ci ildə ilk qələbəsini qazanıb. Xorvatiyada 30 komandanın iştirakı ilə təşkil edilən Beynəlxalq Velosipedçilər İttifaqının 2.2 kateqoriyalı “Istrian Spring Trophy” yürüşü komandamızın üzvü Markus Eybegerin çempionluğu ilə yadda qalıb.
Veloyürüş maraqla qarşılandı
5 mart - Bədən Tərbiyəsi və İdman günü ilə əlaqədar Azərbaycan Velosiped İdmanı Federasiyasının rəsmiləri idman ictimaiyyətinin nümayəndələri ilə birgə Fəxri Xiyabana gedərək ümummilli lider Heydər Əliyevin və görkəmli oftalmoloq-alim Zərifə Əliyevanın xatirəsinə ehtiramlarını bildiriblər. Daha sonra tədbir iştirakçıları Şəhidlər Xiyabanında torpaqlarımızın azadlığı uğrunda canlarından keçən Vətən oğullarının xatrəsini yad ediblər.