Azərbaycan çempionatı: İlk 1/4 finalçılar müəyyənləşdi
Şahmat üzrə Azərbaycan çempionatında ilk 1/4 finalçılar müəyyənləşib.
Azərbaycan Şahmat Federasiyasının mətbuat xidmətindən verilən məlumata görə, kişi şahmatçıların yarışında Şəhriyar Məmmədyarov, Teymur Rəcəbov, Rauf Məmmədov və Aydın Süleymanlı növbəti mərhələyə vəsiqə qazanıb.
1/8 final, cavab oyunları
Kişilər
Fərid Abbasov – Şəhriyar Məmmədyarov - 0:1 (ümumi hesab 0:2)
Teymur Rəcəbov – Namiq Quliyev - 0,5:0,5 (1,5:0,5)
Vüqar Rəsulov – Rauf Məmmədov - 0:1 (0,5:1,5)
Aydın Süleymanlı – Riad Səmədov - 0,5:0,5 (1,5:0,5)
Məhəmməd Muradlı – Nicat Məmmədov - 0:1 (1:1)
Vasif Durarbəyli – Əhməd Əhmədzadə - 0,5:0,5 (1:1)
Vüqar Əsədli – Eltac Səfərli - 0,5:0,5 (1:1)
Misrətdin İsgəndərov – Nicat Abasov - 0,5:0,5 (1:1)
Qadınlar
Lalə Hüseynova – Günay Məmmədzadə - 1:0 (ümumi hesab 1:1)
Gövhər Beydullayeva – Səbinə Rzalı - 1:0 (2:0)
Məryəm Ağaverdiyeva – Ülviyyə Fətəliyeva - 0:1 (0:2)
Xanım Balacayeva – Ləman Hacıyeva - 1:0 (2:0)
Mələk İsmayıl – Gülnar Məmmədova - 0:1 (0:2)
Ayan Allahverdiyeva – Zeynəb Məmmədyarova - 0,5:0,5 (0,5:1,5)
Nərmin Kazımova – Türkan Məmmədyarova - 0:1 (1:1)
Nərmin Abdinova – Səbinə İbrahimova - 0:1 (0,5:1,5)
Beləliklə bu gün Azərbaycan çempionatında növbəti tay-brek görüşləri olacaq.
Kişilərin yarışında Misrətdin İskəndərov-Nicat Abasov, Vasif Durarbəyli -Əhməd Əhmədzadə, Vüqar Əsədli-Eltac Səfərli və Məhəmməd Muradlı-Nicat Məmmədov arasında həlledici partiyalar oynanılacaq.
Qadınların çempionatında isə Lalə Hüseynova-Günay Məmmədzadə və Nərmin Kazımova-Türkan Məmmədyarova mübarizəni davam etdirmək uğrunda yarışacaq.
Qeyd edək ki, 1/8 finalın ikinci oyun günündə rəmzi ilk gedişi əməkdar artist, “Bakılı Oğlanlar” ŞHK-nın üzvü, naşir Bəhram Bağırzadə reallaşdırıb.
