ATLETİKA
İsveçli atlet dünya rekordunu 11-ci dəfə yenilədi
Atletika üzrə İsveçi təmsil edən ikiqat Olimpiya çempionu Armand Düplantis şüvüllə tullanma üzrə dünya rekordunu yeniləyib.
O, bu uğuruna Fransanın Kleremon şəhərində keçirilən turnirdə nail olub. 26 yaşlı atlet i 6.27 metr hündürlüyü aşaraq növbəti uğuruna imza atıb. Bununla da o, 11-ci dəfə dünya rekordunu yeniləyib.
Qeyd edək ki, əvvəlki rekord (6.26 metr) onun tərəfindən 2024-cü ilin avqustunda Polşanın Sileziya şəhərində keçirilən "Brilyant Liqa" mərhələsində qeydə alınmışdı.
Atletika idman növü üzrə tarixin ən titullu şüvüllə tullanma ustalarından biri sayılan idmançı Tokio və Paris Olimpiya Oyunlarında qızıl medal qazanıb. O, bundan başqa iki dəfə dünya, üç dəfə isə Avropa çempionu titullarına da sahib çıxıb.
Paylaş :
