Bu gün Azərbaycan Basketbol Liqasında XVII tura iki oyunla yekun vurulacaq.

Turun son oyunları B qrupunun iştirakçıları arasında olacaq. 

Meydana əvvəlcə "Gəncə" və "Lənkəran" komandaları çıxacaq. Gəncə İdman Sarayında keçiriləcək oyun saat 14:00-da başlayacaq. Meydan sahibləri 28 xalla ikinci, qonaqlar isə 19 xalla sonuncu - altıncı pillədə yer alıblar. 

Tura saat 19:00-da Sumqayıt Olimpiya İdman Kompleksində keçiriləcək oyunla yekun vurulacaq. "Sumqayıt" klubu "Ordu"nu qəbul edəcək. "Gənclik şəhəri" təmsilçisi 22 xalla dördüncü, "hərbçilər" 27 xalla üçüncüdür.

Qeyd edək ki, turun daha əvvəl baş tutan görüşlərində NTD "Naxçıvan"ı 85:78, “Sabah” “Neftçi”ni 105:77, “Şəki” “Quba”nı 66:63, "Abşeron" "Sərhədçi"ni 77:75 hesabı ilə məğlub edib.

View this post on Instagram

A post shared by Baki Tekstil Fabriki MMC (@btf.az)