GİMNASTİKA
Azərbaycanlı gimnastlar “AGF Trophy” turnirində finala yüksəldilər
Azərbaycanın dörd gənc bədii gimnastı Bakıda keçirilən “AGF Trophy” beynəlxalq turnirində finala yüksəlib.
İdmançılar halqa və topla hərəkətlər üzrə təsnifat mərhələsini uğurla keçərək finalda iştirak hüququ qazanıblar.
Topla hərəkətlərdə Şəms Ağahüseynova və Ayla İbrahimova, halqa ilə isə Azadə Atakişiyeva və Nur Sadıqova həlledici mərhələdə mübarizə aparacaqlar.
Bu gün böyüklər fərdi proqram üzrə çıxış edəcək, qrup hərəkətləri komandaları isə beş halqa ilə bacarıqlarını nümayiş etdirəcəklər.
Turnirə martın 30-da yekun vurulacaq.
Paylaş :
