VOLEYBOL
“Murov Az Terminal” Gəncədə əzmkar qələbə qazandı
Qadın voleybolçular arasında keçirilən Yüksək Liqada XVIII turun oyunlarına yekun vurulub. Aprelin 5-də baş tutan turun növbəti qarşılaşmasında “Murov Az Terminal” komandası səfərdə “Gəncə” klubu ilə üz-üzə gəlib.
Gəncə İdman Sarayında təşkil olunan görüş gərgin mübarizə şəraitində keçib. Oyuna üstün başlayan qonaqlar ilk seti 25:15 hesabı ilə qazanaraq təşəbbüsü ələ alıblar. İkinci setdə toparlanan “Gəncə” voleybolçuları 25:22 hesablı qələbə ilə hesabı bərabərləşdirsə də, növbəti setlərdə “Murov Az Terminal” komandasının təcrübəsi öz sözünü deyib. Üçüncü seti 25:22, dördüncü isə dramatik sonluqla - 28:26 hesabı ilə qazanan qonaqlar matçdan 3:1 hesablı ümumi qələbə ilə ayrılıblar.
Paylaş :
