Beynəlxalq Olimpiya Komitəsinin (BOK) yeni seçilmiş prezidenti Kirsti Koventri Lozannadakı Olimpiya evində olub. Qonağı BOK prezidenti Tomas Bax, baş direktor Kristof de Keper və digər əməkdaşlar qarşılayıblar. Tomas Bax xanım Koventriyə çiçək dəstəsi təqdim edib. Onlar Olimpiya evinin simvolik pilləkənləri fonunda şəkil çəkdiriblər.
Yeni seçilmiş BOK prezidenti tədbirdə çıxışı edib. “Bu görüş uzun müddət yaddaşımda qalacaq. Burada olmaqdan çox məmnunam. Heç vaxt təsəvvür edə bilməzdim ki, nə vaxtsa burada dayanacağam. Hər birinizə təşşəkkür edirəm”, - deyə Kristi Koventri qeyd edib.
Məlumat üçün bildirək ki, Zimbabvedən olan Kirsti Koventri üzgüçülük üzrə iki qat Olimpiya çempionudur. O, martın 20-də Yunanıstanın Kosta Navarino şəhərində keçirilən Beynəlxalq Olimpiya Komitəsinin (BOK) 144-cü sessiyası zamanı BOK-un 10-cu prezidenti və BOK tarixinin ilk qadın prezidenti seçilib.
Xatırladaq ki, o, BOK-un prezidenti kimi fəaliyyətinə iyun ayında başlayacaq.

View this post on Instagram

A post shared by Baki Tekstil Fabriki MMC (@btf.az)