Gənclər və İdman Nazirliyi, Azərbaycan Atıcılıq Federasiyasının (AAF) birgə təşkilatçılığı ilə Bakı Atıcılıq Mərkəzində ümummilli lider Heydər Əliyevin xatirəsinə həsr olunan güllə və stend atıcılığı üzrə Azərbaycan Kubokuna yekun vurulub. 
"Olimpnews.az" Azərbaycan Atıcılıq Federasiyasının mətbuat xidmətinə istinadən xəbər verir ki, yarışın bağlanış mərasimində Gənclər və İdman Nazirliyinin İdman şöbəsinin sektor müdiri Ülviyyə Hacıyeva çıxış edərək, yüksək nəticələr göstərmiş idmançıları təbrik edib.
O, həmçinin yarışın yüksək səviyyədə təşkilinə töhfə verən məşqçilərə, hakimlərə, təşkilat komandasına və iştirak edən bütün idmançılara təşəkkürünü bildirib.
Təltifetmə mərasimində müxtəlif yaş qrupları və kateqoriyalar üzrə fərqlənmiş idmançılar medal və diplomlarla mükafatlandırılıblar.

View this post on Instagram

A post shared by Baki Tekstil Fabriki MMC (@btf.az)