Özbəkistanda və Qazaxıstanda təşkil olunan beynəlxalq turnirlərdə medal qazanmış Azərbaycan velosipedçiləri mükafatlandırılıb.

Bu barədə Olimpnews.az-a Azərbaycan Velosiped İdmanı Federasiyasından (AVİF) məlumat verilib.

AVİF-də baş tutan tədbiri giriş sözü ilə açan qurumun I vitse-prezidenti Sahib Ələkbərov beynəlxalq turnirlərdə medal qazanmış idmançıları təbrik edib və bu uğurların davamlı olmasını diləyib.

S.Ələkbərov bildirib ki, yarışlarda yüksək nəticə göstərmiş idmançıların mükafatlandırılması ilə bağlı federasiya prezidenti Zaur Axundov tərəfindən qərar qəbul olunub. O, Özbəkistanda 1 gümüş və 1 bürünc medal əldə etmiş Artyom Proskuryakova, Özbəkistan və Qazaxıstanda 2 bürünc medal qazanmış Viktoriya Sidorenkoya və Qazaxıstanda bürünc medal əldə etmiş Məryəm Hüseynovaya mükafatları təqdim edib.

View this post on Instagram

A post shared by Baki Tekstil Fabriki MMC (@btf.az)