Latviyanın paytaxtı Riqada usta cüdoçular arasında Avropa çempionatı davam edir. 
Olimpnews.az xəbər verir ki, bu gün komandamızın daha dörd üzvü mükafatçılar sırasında yer alıb. 
Komandamızın üzvlərindən M-4 yaş kateqoriyasında Babək Hacıyev (-60 kq), Vaqif Kərimov (-73 kq) və Emil Hüseynov (-100 kq) qızıl medala layiq görülüb. 
Millimizin digər üzvü Samir İsmayılov (-81 kq) isə M-3 yaş kateqoriyasında bürünc medala yiyələnib. 
Xatırladaq ki, yarışların ilk günündə komandamızın kapitanı Fərhad Rəcəbli (-90 kq) M-8 kateqoriyasında Avropa çempionu adını qazanıb. 
Komandamız hazırda 4 qızıl və 1 bürünc medalla ümumi komanda hesabında dördüncü pillədə qərarlaşıb. 
37 ölkədən 918 (752 kişi, 166 qadın) idmançının iştirak etdiyi qitə çempionatın fərdi yarışlarına mayın 25-də yekun vurulacaq. 

View this post on Instagram

A post shared by Baki Tekstil Fabriki MMC (@btf.az)