ABŞ-da keçirilən futbol üzrə Klublararası dünya çempionatı davam edir. 
Olimpnews.az xəbər verir ki, A qrupunun üçüncü turu çərçivəsində Braziliyanın “Palmeyras” klubu “İnter Mayami” ilə üz-üzə gəlib. Qarşılıqlı qolların vurulduğu oyunda qalib müəyyənləşməyib -2:2. Oyunda hesabı 16-cı dəqiqədə “İnter Mayami”nin futbolçusu Tadeo Alende açıb. Qarşılaşmanın ikinci hissəsində isə Luis Suares ev sahiblərinin üstünlüyünü iki topa çatdırıb. Lakin ABŞ təmsilçisi üstünlüyünü sona qədər qoruya bilməyib. Poulinyo və Maurisiyo müvafiq olaraq 80 və 88-ci dəqiqələrdə fərqlənməklə “Palmeyras”ı məğlubiyyətdən xilas ediblər.  
Beləliklə, hər iki komanda turnirdə ikinci heç-heçəsini edərək 5 xalla pley-offa vəsiqə qazanıb. Qol fərqlərinə görə “sambaçılar” birinci, ABŞ təmsilçisi isə ikinci pillənin sahibi kimi növbəti mərhələyə adlayıb. 

1/8 finalda "İnter Mayami" PSJ komandası ilə qarşılaşacaq. "Palmeyras" isə digər Braziliya klubu "Botafoqo" ilə qarşılaşacaq.
 

View this post on Instagram

A post shared by Baki Tekstil Fabriki MMC (@btf.az)