Azərbaycanın yeniyetmə boksçuları iyulun 10-da Serbiyanın Novi Pazar şəhərində start götürəcək Avropa birinciliyində mübarizə aparacaqlar.

Azərbaycan Boks Federasiyasının mətbuat xidmətindən Olimpnews.az-a verilən məlumata görə yarış 7 gün davam edəcək.

Oğlan boksçulardan ibarət yığmanın baş məşqçisi Vaqif Kazımov, məşqçilər Ağası Məmmədovla Teymur Məmmədov birincilikdə Qardaş Rəhimov (46 kq), Əli Əliyev (48 kq), Məhəmməd Rəsulov (50 kq), Sadiq Musayev (52 kq), Raul Heydərli (54 kq), Əflatun İsmiyev (57 kq), Şahin Aslanov (60 kq), Haqverdi Həsənov (63 kq), Dəniz Zeynalov (66 kq), Adil Zalov (70 kq), Hüseyn Vahabov (75 kq) və Səfdər Məmmədzadəyə (+80 kq) şans verəcəklər.

Qız boksçulardan ibarət komandanın məşqçisi Anar Baxışov isə yarışda Aylin Nəzərova (46 kq), Gülər Hüseynova (48 kq), Əminə Tağı (50 kq), Cəmilə Muradlı (52 kq), Zəhra Məmmədova (54 kq), Aynur İsmayılova (60 kq), Fidan Bəkarova (63 kq) və Səma Abbasovanı (66 kq) sınayacaq.

Avropa birinciliyində Anar Nağdıyev hakimlər sırasında yer alacaq.

Qeyd edək ki, komanda Serbiyaya Azərbaycan Boks Federasiyasının İdarə Heyətinin üzvü Rövşən Hüseynovun rəhbərliyi altında yollanıb.

View this post on Instagram

A post shared by Baki Tekstil Fabriki MMC (@btf.az)