Şimali Makedoniyada keçiriləcək XVIII Avropa Gənclər Yay Olimpiya Festivalında (EYOF) iştirak edəcək stolüstü tennis üzrə Azərbaycan yığmasının heyəti müəyyənləşib.
Olimpnews.az xəbər verir ki, festivalda komandamız stolüstü tennis üzrə həm oğlanlar, həm də qızlar arasında yarışlarda təmsil olunacaq. 
Yarışa 2 idmançı ilə yollanacaq millimizin heyətində Uğur Nəzərli və Şəbnəm Mansurova yer alıb. 
EYOF-2025-in stolüstü tennis yarışları iyulun 22-dən 26-dək keçiriləcək. Yarışlar Skopyedəki “Partizan” idman zalında təşkil olunacaq. 
Qeyd edək ki, iyulun 20-dən-26-dək davam edəcək Skopye-2025 XVIII Avropa Gənclər Yay Olimpiya Festivalında Azərbaycan komandası 10 idman növündə 52 (28 oğlan, 24) idmançı ilə təmsil olunacaq. Festivalın açılış mərasimi iyulun 20-də Skopyedəki Yan Sandanski İdman Mərkəzində keçiriləcək. 

View this post on Instagram

A post shared by Baki Tekstil Fabriki MMC (@btf.az)