Azərbaycana III MDB Oyunlarının  cüdo yarışlarında ilk qızıl medalı qazandırdığım üçün çox sevinirəm. 
Bu sözləri Olimpnews.az-a müsahibəsində Azərbaycanda keçirilən III MDB Oyunlarının cüdo yarışlarının ilk qızıl medalçısı Gülşən Hüseynova -(44 kq) deyib. 
Finalda rusiyalı idmançıya 35 saniyəyə ipponla qalib gələn idmançı yarışın onun üçün heç də asan keçmədiyini bildirib. 
"Oyunlara yüksək səviyyədə hazırlaşmışdım. Bunun üçün də özümdən çempionluq gözləyirdim. Doğma azarkeşlər önündə yarışmaq məsuliyyətlidir. Buna baxmayaraq finalda qalib gələrək, Azərbaycana ilk qızıl medalı qazandırdım. Həlledici görüşdə rəqib rusiyalı idmançı idi. Lakin məşqçilərimiz rəqibin mənfi və müsbət cəhətlərini dəqiq müəyyənləşdirmişdi. Yekunda rəqibimə 35 saniyəyə ipponla qalib gəldim. Bu medal mənim üçün çox dəyərlidir", - deyə Gülşən Hüseynova bildirib. 

View this post on Instagram

A post shared by Baki Tekstil Fabriki MMC (@btf.az)