TENNİS
Sinner doqquzuncu oldu
Tennis üzrə italiyalı dördqat Böyük Dəbilqə çempionu Yannik Sinner tarixdə ardıcıl iki dəfə ATP Final titulunu qazanan doqquzuncu şəxs olub.
Olimpnews.az xəbər verir ki, nüfuzlu yarışın final matçında reytinqin birincisi olan ispaniyalı Karlos Alkarazı 7-6 (7-4), 7-5 hesabları ilə məğlub edib. Bununla da Sinner rumıniyalı İli Nastase, isveçli Björn Borq, amerikalı İvan Lendl, Con MakEnro, Pit Sampras, avstraliyalı Leyton Hyuit, isveçrəli Roje Federer və serbiyalı Novak Cokoviçin nailiyyətini təkrarlayıb.
Xatırladaq ki, dünya reytinqinin ikincisi olan italiyalı tennisçi doğma vətənində keçirilən yarışda karyerasının 24-cü və mövsümün isə altıncı kubokuna yiyələnib. Buna qədər o, Paris, Pekin, Vyana, Uimbldon və Avstraliya Açıq turnirlərində qalib gəlib.
Paylaş :
