Bu gün Abşeron Olimpiya İdman Kompleksində 14 yaşadək cüdoçular arasında Azərbaycan birinciliyinə start verilib. 
Olimpnews.az xəbər verir ki, turnirdə 103 klub və idman cəmiyyətindən ümumilikdə 18 çəki dərəcəsində 430 cüdoçu (329 oğlan, 101 qız) qüvvəsini sınayır. Birinciliyin ilk günündə 6 çəki dərəcəsi üzrə 137 cüdoçu tatami üzərinə çıxıb. 
Qızların yarışında Ləman Bağırova (36 kq, Naxçıvan UGİM), Yağmur Abdullayeva (48 kq, Şuşa UGİM) və Məleykə Əsədova (63 kq, Şahin 313 İK) fəxri kürsünün ən yüksək pilləsinə qalxıb. Oğlanların yarışında Muhəmməd Eyvazlı (38 kq, ROİL), Eldar Xəlilov (50 kq, Goranboy OİK) və Hüseyn Ələsgərov (66 kq, Qəbələ İK şəhər) qızıl medallara layiq görülüb. 
Azərbaycan birinciliyinə dekabrın 28-də yekun vurulacaq. 
 

View this post on Instagram

A post shared by Baki Tekstil Fabriki MMC (@btf.az)