Kişi voleybolçular arasında Azərbaycan Yüksək Liqasında XIV turun proqramı açıqlanıb.
Bu barədə Voleybol Federasiyasının mətbuat xidmətindən məlumat verilib. Turun hər üç qarşılaşması martın 5-də keçiriləcək.
Tura saat 14:00-da MOİK "Azərreyl" oyunu ilə start veriləcək. Bu qarşılaşmadan iki saat sonra "Murov Az Terminal" "Xilasedici" ilə qarşılaşacaq. Günün və turun son oyunu saat 18:00-da "Neftçi" və "Gənclər" komandaları arasında olacaq.
Qeyd edək ki, hər üç görüş Gənclər və İdman Nazirliyinin Voleybol Mərkəzində keçiriləcək.
