Kamerunlu Frensis Nqannou növbəti döyüşünü Rayan Beyder və Renan Ferreyra cütlüyünün qalibi ilə keçirəcək. Bu barədə Liqanın sosial şəbəkələrdəki rəsmi hesabı məlumat yayıb.
Xatırladaq ki, Nqannou ikinci boks döyüşünü martın 8-də Səudiyyə Ərəbistanının Ər-Riyad şəhərində keçirəcək. Onun rəqibi keçmiş ağır çəkidə dünya çempionu Entoni Coşua olacaq. Amerikalı ağır çəkili Bellator çempionu Rayan Beyderin 34 qələbəsi və yeddi məğlubiyyəti var. O, sonuncu dəfə 2023-cü il fevralın 4-də baş tutan “Bellator-290”da Feyodor Emelianenko ilə döyüşüb. Onların döyüşü ilk raundda Baderin nokautu ilə başa çatıb.
Renan Ferreyra 4 məğlubiyyətlə 10 qələbə qazanıb. Braziliyalı döyüşçü sonuncu dəfə 2023-cü il noyabrın 24-də PFL ağır çəkidə Qran Pri finalında çıxış edib. Onun rəqibi Renanın ilk raundda nokaut etdiyi rusiyalı döyüşçü Denis Qoltsov olub.