FUTBOL
Avropa çempionatı: Millimiz bu gün 1/4 final oyununa çıxacaq
Bu gün minifutbol üzrə milli komandamız Bosniya və Herseqovinanın paytaxtı Sarayevoda keçirilən Avropa çempionatında növbəti oyununa çıxacaq.
Elşad Quliyevin rəhbərlik etdiyi komandamız 1/4 final mərhələsi çərçivəsində Qazaxıstanla qarşılaşacaq.
Matçın start fiti saat 19:00-da səsləndiriləcək.
Qeyd edək ki, yığma qrup mərhələsində keçirdiyi bütün matçlarda qələbə qazanıb. Komanda Belçikanı 3:0, İtaliyanı 2:1, Fransanı 3:1 hesabı ilə məğlub edib. 1/8 finalda isə Bolqarıstanı mübarizədən kənarlaşdırıb - 3:1.
Ukrayna, İngiltərə, Yunanıstanla mübarizə apardığı A qrupundan lider kimi çıxan Qazaxıstan isə 1/8 finalda Sloveniyanı məğlubiyyətə uğradıb.
Paylaş :
