Azərbaycan üzgüçüləri Çexiyanın Ostrava şəhərində keçirilən 32-ci Qran-pri turnirində uğurlu çıxış ediblər. Azərbaycan Üzgüçülük Federasiyasının mətbuat xidmətindən verilən məlumata görə, dünya çempionatına lisenziya xarakteri daşıyan yarışda təmsilçilərimiz ümumilikdə 17 (2 qızıl, 8 gümüş və 7 bürünc) medal qazanıblar.

Turnirdə fərdi nəticələrə görə Ramil Vəlizadə 1 qızıl, 2 gümüş, Süleyman İsmayılzadə isə 1 qızıl və 2 gümüş medal əldə edib. Əbdürrəhman Rüstəmov 2 gümüş və 1 bürünc, Fatimə Alkərəmova 2 gümüş və 1 bürünc, Oqtay Hüseynov isə 3 bürünc medalla çıxışını başa vurub. Səid Həmidov isə 2 bürünc medal qazanıb.

Qeyd edək ki, 5 ölkədən - Çexiya, Azərbaycan, Fransa, Polşa və Sloveniya olmaqla, yarışda ümumilikdə 350-yə yaxın idmançı mübarizə aparıb.

View this post on Instagram

A post shared by Baki Tekstil Fabriki MMC (@btf.az)