Azərbaycanın 16 yaşadək oğlanlardan ibarət voleybol komandası Avropa çempionatının ikinci təsnifat mərhələsində iştirak etmək üçün İspaniyaya yollanıb.
Azərbaycan Voleybol Federasiyasının mətbuat xidmətindən aldığımız məlumata görə, komandamız B qrupunda mübarizə aparacaq. Qrupda millimizin rəqibləri meydan sahibi İspaniya ilə yanaşı, Estoniya və Avstriya yığmaları olacaq.
Yığmamızın baş məşqçisi Cahangir Seyed Abbasi kollektivə bu vacib turnirdə rəhbərlik edəcək.
Xatırladaq ki, Avropa birinciliyinin bu mərhələsi aprelin 25-dən 27-dək İspaniyada keçiriləcək. Turnirin ikinci təsnifat raundunda 20 komanda beş qrupda mübarizə aparacaq. Hər qrupdan ilk iki yeri tutan komandalarla yanaşı, ən yaxşı nəticə göstərən iki üçüncü yer sahibi də final mərhələsinə yüksələcək.
 

View this post on Instagram

A post shared by Baki Tekstil Fabriki MMC (@btf.az)