Goranboy Olimpiya İdman Kompleksində bədii gimnastika üzrə keçirilən IX bölgələrarası kubok yarışının qalibləri müəyyənləşib.

Bu barədə Azərbaycan Gimnastika Federasiyasının mətbuat xidmətindən məlumat verilib. Ölkənin müxtəlif bölgələrini - Abşeron, Ağdaş, Gəncə, Kürdəmir, Qax, Mingəçevir, Naxçıvan, Sumqayıt, Şəki, Şəmkir, Şirvan, Şamaxı, Talaçay və Zaqatalanı təmsil edən 60-dan çox gimnast bu yarışda öz bacarıqlarını nümayiş etdiriblər.

Yarışın ilk günündə balacalar, yeniyetmələr və gənclər yaş kateqoriyasında çıxış edən idmançılar çoxnövçülük proqramı üzrə performanslarını təqdim ediblər. İkinci gün isə təsnifat mərhələsində fərqlənən gimnastlar mükafatlandırılıblar.

2015-ci il təvəllüdlülər: Zaqatala, Şəmkir, Naxçıvan
2016-cı il təvəllüdlülər: I və II yerlər - Abşeron, III yer - Zaqatala
2017-ci il təvəllüdlülər: I yer - Sumqayıt, II və III yerlər - Mingəçevir

Yeniyetmələr
2012-ci il təvəllüdlülər: Zaqatala, Abşeron və Ağdaş
2013-cü il təvəllüdlülər: Zaqatala, Ağdaş və Şirvan
2014-cü il təvəllüdlülər: Gəncə, Zaqatala, Naxçıvan

Gənclər (2010-2011-ci il təvəllüdlülər) yaş kateqoriyasında: I və III yerlərə Zaqatala, II yerə isə Şirvan təmsilçiləri sahib çıxıblar.

Yarış zamanı gimnastlar yüksək motivasiya, peşəkar hazırlıq və estetik performanslarla seçiliblər.

View this post on Instagram

A post shared by Baki Tekstil Fabriki MMC (@btf.az)