CÜDO
Cüdoçu qızlarımız Avropa Kubokunda mübarizəyə başlayır
Bu gün Bosniya və Herseqovinanın paytaxtı Sarayevoda cüdo üzrə böyüklər arasında Avropa Kuboku turnirinə start veriləcək.
Olimpnews.az xəbər verir ki, yarışda ölkəmiz 6 çəki dərəcəsində 8 cüdoçu ilə təmsil olunacaq.
Yarışın ilk günündə komandamızın dörd üzvü mübarizəyə başlayacaq. Təmsilçilərimizdən Nərgiz Hacıyeva (-63 kq), Günel Həsənli, Aytac Qardaşxanlı (hər ikisi -70 kq) və Nərmin Əmirli (-78 kq) tatami üzərinə çıxacaq.
Qeyd edək ki, yarışa 30 ölkədən 306 idmançı (205 kişi, 101 qadın) cüdoçu qüvvəsini sınayacaq. Turnirə iyunun 1-də yekun vurulacaq.
Paylaş :
