OLİMPİYA DÜNYASİ
Skopye-2025: Badmintonçumuz növbəti görüşünü keçirib
Skopye-2025 Avropa Gənclər Yay Olimpiya Festivalında keçirilən badminton yarışları davam edir.
Olimpnews.az xəbər verir ki, fərdi yarışların ikinci günündə komandamızın üzvü Əli Gözəlov növbəti oyununu keçirib.
G qrupunda yer alan idmançımız üçüncü oyununda italiyalı Alessio Katalfamo ilə qarşılaşıb. Gərgin keçən görüş rəqib idmançının 2:0 (21:19, 21:17) hesablı qələbəsi ilə yekunlaşıb.
İdmançımız bu gün Bakı vaxtı ilə 16:30-da dördüncü görüşünü keçirəcək. Rəqib kiprli Pantelis Vasiliou olacaq.
Qeyd edək ki, badminton yarışları Nevana Georgieva - Dunya adına ibtidai məktəbdə keçirilir.
Paylaş :
