Stolüstü tennisçilərimiz III MDB Oyunlarında ilk medalları təmin etdilər
Azərbaycanda keçirilən III MDB Oyunlarına stolüstü tennis yarışları ilə start verilib.
Olimpnews.az xəbər verir ki, Qəbələ Olimpiya İdman Kompleksində keçirilən yarışların ilk günündə Azərbaycanın qızlardan və oğlanlardan ibarət komandaları da mübarizə aparıb.
Yarışa yarımfinaldan başlayan qızlardan ibarət komandamız Özbəkistan millisi ilə üz-üzə gəlib. Oyun komandamızın 2:1 hesablı qələbəsi ilə başa çatıb. Təmsilçilərimiz qızıl medal uğrunda qarşılaşmada Rusiya millisi ilə qarşılaşacaqlar.
Bu gün həmçinin, oğlanlardan ibarət komandamız da mübarizəyə başlayıb.
Yarımfinalda Özbəkistan yığması ilə üz-üzə gələn millimiz 2:0 hesablı qələbə qazanıb. Komandamız sabah finalda Rusiya millisi ilə qarşılaşacaq.
Beləliklə, həm qızlardan, həm də oğlanlardan ibarət komandalarımız finala yüksəlməklə III MDB Oyunlarında ilk medalları təmin ediblər.
jpeg-1758953477.jpeg)
