“Bu il I Avropa Oyunlarının 10 illik yubileyidir. MOK bu yubiley münasibətilə xüsusi tədbir keçirdi. İyun ayında isə “Bakı 2015 – Süni İntellekt və İdmanda İnnovasiya” müsabiqəsini elan etdik”.

Olimpnews.az xəbər verir ki, bu fikirləri Azərbaycan Milli Olimpiya Komitəsinin vitse-prezidenti Çingiz Hüseynzadə “Bakı 2015 - Süni İntellekt və İdmanda İnnovasiya” beynəlxalq müsabiqəsinin mükafatlandırma mərasimindən sonra jurnalistlərə verdiyi müsahibəsində qeyd edib.
MOK rəsmisi bildirib ki, müsabiqəyə təkcə Bakıdan deyil, xarici ölkələrdən də iştirakçılar qatılıblar:
“Bu gün keçirilən tədbirdə beynəlxalq müsabiqənin qalibləri mükafatlandırıldı. Münsiflər heyətində İspaniya, Türkiyə və Azərbaycan nümayəndələri təmsil olunmuşdular. Qaliblər arasında həm ölkəmizin, həm də Türkiyənin nümayəndələri yer aldı. Avropa Oyunlarının qaliblərinin bir çoxu da bu tədbirdə iştirak edirdi.
Ümumiyyətlə, biz Azərbaycanın istər idman tarixində, istərsə də siyasi həyatında vacib hadisə olan I Avropa Oyunlarının 10 illik yubileyini qeyd etdik", - deyə Çingiz Hüseynzadə bildirib.

View this post on Instagram

A post shared by Baki Tekstil Fabriki MMC (@btf.az)