Moldovanın paytaxtı Kişineuda keçirilən cüdo üzrə U-23 Avropa çempionatına yekun vurulub.

Olimpnews.az xəbər verir ki, 37 ölkədən 308 (172 oğlan, 136 qız) idmançının mübarizə apardığı yarışda Azərbaycan cüdoçuları da qüvvələrini sınayıblar.

Təmsilçilərimiz qitə çempionatını 2 qızıl, 1 gümüş, 1 bürünc medalla başa vurublar.

Qızıl medalları komandamızın aktivinə İslam Rəhimov (-66 kq) və Kənan Nəsibov (+100 kq) yazdırıb.

Komandamızın digər üzvlərindən Ömər Rəcəbli (-81 kq) gümüş, Aslan Kotsoyev (-90 kq) isə bürünc medala layiq görülüb.

Beləliklə, yarışı 2 qızıl, 1 gümüş və 1 bürünc medalla başa vuran komandamız 4 medalla həm ümumi komanda hesabında, həm də kişilər arasında turniri birinci pillədə tamamlayıb. Yarışda təkcə kişi cüdoçularımızın çıxış etməsinə baxmayaraq, yığmamız 37 ölkə arasında lider olmağı bacarıb.

View this post on Instagram

A post shared by Baki Tekstil Fabriki MMC (@btf.az)