OLİMPİZM
Olimpiadanın əsas buz meydançasında problem yaranıb
Milano və Kortino-2026 Qış Olimpiya Oyunlarının əsas hokkey arenası olan Santa Giulia Arenasında test yarışı buz problemləri səbəbindən dayandırılıb. Jurnalist Kris Constonun sosial mediada verdiyi məlumata görə "Kaltern" və "Varese" komandaları İtaliya Kubokunun yarımfinalında qarşılaşıblar. Buz döşəməsində dəlik yarandıqdan sonra matç dayandırılıb. Arena işçiləri zədələnmiş ərazini su ilə doldurublar.
Fevralın 6-22-də keçiriləcək Oyunlara qədər yaranmış bu problemə görə arenada yoxlama oyunlarının tarixləri dəyişdirilib. Qeyd edək ki, Milan arenasının əvvəlcə 16 min tamaşaçı tutumuna malik olması planlaşdırılırdı. Tikinti işləri bir neçə dəfə gecikdikdən sonra bu say 11.800-ə endirilib.
Paylaş :
