Masallı rayonunda fəaliyyət göstərən ümumtəhsil məktəblərində çalışan fiziki tərbiyə müəllimləri ilə “Sağlam Həyat” layihəsi çərçivəsində idmanın inkişafı məqsədilə görüş keçirilib. 
Olimpnews.az xəbər verir ki, görüşdə Lənkəran-Astara Regional Gənclər və İdman İdarəsinin Masallı rayonu üzrə sektorunun əməkdaşı, Azərbaycan Həndbol Federasiyasının məşqçisi, Əməkdar bədən tərbiyəsi və idman xadimi Vidadi Əliyev, Masallı Uşaq-Gənclər İdman-Şahmat Məktəbinin direktoru iştirak ediblər.
Həndbol idman növünün rayon üzrə inkişafı, təhsil ocaqlarında həndbol dərnəklərinin yaradılması, perspektivli şagirdlərin üzə çıxarılması və Masallı rayon komandasının təşkili məsələləri müzakirə olunan tədbirdə, eyni zamanda digər idman növlərinin inkişafı, idmanın kütləviliyinin artırılması və sağlam həyat tərzinin təbliği ilə bağlı fikir mübadiləsi aparılıb.
Çıxışlar zamanı fiziki tərbiyə müəllimlərinin gənclərin idmana daha çox həvəs göstərməsində mühüm rol oynadığını vurğulayaraq, gələcəkdə bu istiqamətdə birgə əməkdaşlığın müntəzəm davamının vacibliyini bildiriblər.
Görüş qarşılıqlı müzakirələr və təkliflərlə başa çatıb.

View this post on Instagram

A post shared by Baki Tekstil Fabriki MMC (@btf.az)