CÜDO
Cüdoçularımız Parisdən bir dəst medalla qayıdırlar
Fevralın 7-8-də Fransanın paytaxtı Parisdə cüdo üzrə “Böyük Dəbilqə” turniri keçirilib.
78 ölkədən 488 (299 kişi, 189 qadın) cüdoçunun iştirak etdiyi yarışda Azərbaycan komandası 8 kişi cüdoçu ilə təmsil olunub. Komandamız yarışı bir dəst medalla başa vurub. Təmsilçilərimizdən Balabəy Ağayev (-60 kq) ilk yarış günündə bütün rəqiblərinə qalib gələrək qızıl medala layiq görülüb. Həmin gün tatami üzərinə çıxan digər cüdoçumuz Ruslan Paşayev (66 kq) isə bürünc medala sahib çıxıb. Yarışların ikinci – sonuncu günündə isə Zelim Tçkayev (-81 kq) gümüş medala yiyələnib. Beləliklə, turniri 1 qızıl, 1 gümüş və 1 bürünc medalla başa vuran millimiz ümumu medal sıralamasında üçüncü, kişilər arasında isə ikinci yeri tutub.
Paylaş :
