Nazim Hüseynov: “İnanıram ki, hər bir idmançımız yeni qələbələrlə xalqımızı sevindirəcək”

Olimpizm xəbərləri

24.07.2024, 13:30

"Bütün idmançılarımız Olimpiya Oyunlarına hazırdır. O cümlədən cüdoçularımız da artıq hazırlıq prosesini yekunlaşdırıblar".

Bu sözləri Barselona-1992 Yay Olimpiya Oyunlarının çempionu Nazim Hüseynov "Olimpews.az"a müsahibəsində deyib.

O, komandamızın Parisdə ən azı bir qızıl medal qazanacağına ümid etdiyini bildirib.

"Əgər cüdoçulardan danışmalı olsam, federasiyanın seçimini düzgün qiymətləndirərəm. Olimpiadada -60 kq çəkidə Balabəy Ağayevdən medal gözləyirəm. Bunun üçün onun yaxşı hazırlıq səviyyəsi var. Yığma komandanın əsas liderlərindən olan Hidayət Heydərov da əsas medal ümidlərimizdəndir. Öz çəkisində reytinq cədvəlində birinci olan Hidayət bu il bir ay ərzində həm Avropa, həm də dünya çempionatında qızıl medal qazandı. Amma onu da nəzərə almaq lazımdır ki, bütün rəqibləri ona qarşı ciddi hazırlaşırlar. Elcan Hacıyev (- 90 kq) də çox perspektivli cüdoçudur. O da Parisdə yaxşı nəticə göstərə bilər. Elcan bu yaxınlarda Olimpiya çempionuna və yaponiyalı idmançıya qalib gəlib. Bu da olimpiadada medal qazanmaq üçün ümid verir. Dünya çempionumuz Zelim Kotsoyev (-100 kq) medal qazanmağa əsas namizədlərdəndir. Düşünürəm ki, onun üçün əsas ciddi rəqiblər gürcüstanlı və yaponiyalı idmançılar olacaq. Düzdür, proqnoz vermək çətindir. Amma ümid edirəm ki, bu oyunlarda cüdo yarışlarında ən azı bir qızıl medalımız olacaq. Bütün idman növlərində çıxış edəcək idmançılarımıza uğurlar azru edirəm. İnanıram ki, hər bir idmançımız yeni qələbələrlə xalqımızı sevindirəcək".

Qeyd edək ki, Paris-2024 Yay Olimpiya Oyunlarının cüdo yarışlarına iyulun 27-də start veriləcək. Həmin gün komandamızın iki üzvü - Balabəy Ağayev (-60 kq) və Leyla Əliyeva (-48 kq) tatami üzərinə çıxacaq.

Azər Əlizadə

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR