"Parisə qızıl medal qazanmaq üçün gəlmişdim.".
Bunu sərbəst güləş üzrə Azərbaycan yığmasının üzvü Maqomedxan Maqomedov deyib.
97 kq çəki dərəcəsində bürünc qazanan idmançımız Paris-2024 Yay Olimpiya Oyunlarında əldə etdiyi mükafatın əyarından razı qalmayıb:
"Parisə qızıl medal qazanmaq üçün gəlmişdim. Təəssüf ki, burada alınmadı. Bürüncdən o qədər də razı deyiləm. Həmişə yüksək hədəflər uğrunda mübarizə aparan güləşçiyəm. Hər zaman Azərbaycan xalqını sevindirməyə çalışmışam. Nəticələrimizdən razı deyilik, çünki hədəflərimiz tamamilə başqa idi".
Qeyd edək ki, sərbəst güləşçilərimiz Paris-2024 Yay Olimpiya Oyunlarında 2 medal qazanıblar. Daha öncə Giorgi Meşvildişvili (125 kq) də bürünclə kifayətlənib.
