Bu gün Bakıda cüdo üzrə "Böyük Dəbilqə" turnirinə start veriləcək.
36 ölkədən 258 (166 kişi, 92 qadın) idmançının iştirak edəcəyi yarışda Azərbaycan komandası 32 idmançı ilə təmsil olunur.
Milli Gimnastika Arenasında təşkil olunacaq yarışın ilk günündə Azərbaycanın 12 təmsilçisi tatami üzərinə çıxacaq.
Kişilərin mübarizəsində Əhməd Yusifov, Murad Muradlı, Balabəy Ağayev (hamısı -60 kq), Yaşar Nəcəfov, Ruslan Paşayev, Rəşad Yelkiyev və Elşən Əsədov (-66 kq) mübarizə aparacaqlar.
Qadınların yarışında isə Leyla Əliyeva, Könül Əliyeva, Şəfəq Həmidova (hamısı -48 kq), Fidan Qasımova, Fidan Əlizadə (hər ikisi -57 kq) qüvvəsini sınayacaqlar.
Qeyd edək ki, "Böyük Dəbilqə" turnirinə fevralın 16-da yekun vurulacaq.
